Makati Stories: Pupil Rocks Palm Towers!!!

Grabe talaga. Hindi pa din ako makapaniwala na makikita ko ang Pupil sa Palm Towers. Haha! Anyway, yung Pupil ay yung band ngayon ni Ely Buendia (frontman, guitarist) na former member ng Eraserheads. Kasama nya rin sa band si Yan Yuzon (lead guitarist) na kapatid ng frontman ng Spongecola na si Yael, si Dok Sergio (bassist) na kapatid naman ni Japs Sergio ng Rivermaya at saka si Wendell Garcia (drums) na dating member ng Barbie's Cradle.

So eto yung kwento, dapat matutulog na ako ng mga 11pm ng biglang nag-text yung barkada ko. Nasa Makati siya ngayon, tambay daw kami. So tumambay kami sa tapat ng Palm Towers. Kwentuhan at yosi lang kami. Tapos nakita din namin yung isa naming friend na nakatira sa Palm Towers so nakasama na din siya sa kwentuhan at pag-yoyosi.

Tapos mga around 1am, may bumaba sa tower B ng Palm Towers. Mga grupo ng tao na may mga dalang cameras at instruments. Sabi ko sa sarili ko, "siguro may session sila sa taas or may party sila or tumambay lang at mag-uuwian na.". Napansin namin ng mga kasama ko yung mga babae na kasama nila, maganda sila. Haha!!! Tapos nung pumunta sila sa may tapat namin, namukhaan ko yung lalaki na nag-gigitara, si Yan pala yun. At nakita ko din yung ibang members nung "Pupil". Tapos eto yung usapan namin nung mga kasama ko.

Ako: Tsong yung Pupil oh!
Friend 1: Sino yung mga yan?
Ako: Yung banda ngayon ni Ely Buendia kaya lang di ko pa siya nakikita.
Friend 2: Weh? Hindi nga?
Ako: Oo, Pupil yan. Baka photoshoot lang nila ngayon.

Tapos biglang may lalaki na nagsalita, "Ely, Ely". WTF?!?! Si Ely, kasama nila?!?! So, lumabas na si Ely, grabe nagulat ako. At eto yung sumunod na usapan namin.

Ako: Tsong si Ely Buendia oh!
Friend 1: Nasan?
Ako: Ayun oh! Yung nakajacket!
Friend 1: Sure ka si Ely yan?
Ako: Oo pare, si Ely yan. Kasama nya yung Pupil eh!
Friend 2: Baka naman kamukha lang ni Ely.
Ako: Si Ely talaga yan, magpapapicture ako mamaya sa kanya.
Friend 1: Sure ka talaga si Ely yan?
Ako: Oo nga pare, si Ely talaga yan. Papicture ako mamaya kay idol.
Friend 1: Sige ikaw mag-sabi sa kanya mamaya.

So after nung photoshoot ni Ely, lumapit ako sa kanya. At eto yung usapan namin.

Ako: Ahhh, Ely.. Pwede bang magpa-picture?
Ely: Ahhh sige, ikaw na yung susunod kay Yan.
Ako: Ay hindi yun. (patawa na sagot sabay tawag kay Friend 1 dahil siya yung mag-pipicture)
Ely: Taga-dito lang kayo?
Ako: Oo, taga-diyan lang kami. My photoshoot yung Pupil noh?
Ely: Actually, wala lang kami magawa. Trip trip lang 'to.
Ako: (tumawa ako) Sige salamat pare.
Ely: Ok sige.

At dun natapos yung usapan namin ni Ely. Kahit saglit lang yun, naka-usap ko naman si Ely. Haha! Tapos nagyosi at nag-kwentuhan na ulit kami ng mga kasama ko habang nanunuod sa photoshoot ng Pupil. Grabe talaga, di pa din ako makapaniwala, sa dinami-dami ng lugar sa metro manila, sa may palm towers pa sila nag-shoot. Unexpected talaga yun.. Hehe.. Sana next time maka-pagpapicture ako kay Raimund, Buddy at Marcus para kumpleto yung Eraserheads.

Peace :D